Foto müsabiqəsi Bakı 2017 İslam Həmrəyliyi Oyunları – bütün fotoqrafları “Oyunların Fotoqrafı” müsabiqəsinə qatılmağa dəvət edir. Müraciətinizi (hər fotoqraf bir şəkil göndərmək şərti ilə) pressoperations@baku2017.com email ünvanına 19 may cümə gününün sonuna qədər göndərə bilərsiniz. Xahiş olunur emailin başlıq hissəsini “Foto müsabiqə” adlandıraraq, daxildə öz adınızı, təmsil etdiyiniz təşkilatın adını və əlaqə nömrənizi qeyd edəsiniz. Ekspert qrupu qalibi seçib 21 may tarixində elan edəcək və qalib gələn iştirakçı mükafatlandırılacaq – mükafatlandırmanın dəqiq tarixi və saatı tezliklə paylaşılacaq.