07.04.2026
Gəncədə cüdo üzrə Avropa Kuboku - Fotolar
Aprelin 4 və 5-i tarixində Gəncədə yeniyetmələr arasında cüdo üzrə Avropa Kuboku keçirilib.
Gəncə İdman Sarayında təşkil olunan beynəlxalq turnirin ilk günündə 8 çəki dərəcəsində qalib və mükafatçılar müəyyənləşib.
Azərbaycan cüdoçuları günü 1 qızıl, 4 gümüş və 8 bürünc olmaqla ümumilikdə 13 medalla başa vurublar.
Beynəlxalq turnirin son günündə isə daha 8 çəki dərəcəsində qalib və mükafatçılar müəyyənləşib. Azərbaycan cüdoçuları ikinci günü 2 qızıl, 1 gümüş və 8 bürünc olmaqla ümumilikdə 11 medalla başa vurublar.
Beləliklə, Azərbaycan millisi Gəncə Avropa Kubokunu ümumilikdə 3 qızıl, 5 gümüş və 16 bürünc olmaqla 24 medalla komanda hesabında 2-ci pillədə tamamlayıb.
Fotolar: İlham Mustafayev (AFB)
