“Azərbaycan Fotoqrafları Birliyi”nin (AFB) İdarə Heyəti qəti şəkildə bəyan edir ki, Birliyin adından hər hansı məktub, çıxarış, müraciət, xahiş və ya digər sənəd yalnız İdarə Heyətinin səlahiyyəti və hüquqi təsdiqi ilə rəsmilik qazanır.

AFB adından şəxsi mənafe güdülərək müxtəlif qurum və təşkilatlara müraciət edilməsi qanunsuz və yolverilməzdir. Bu cür hərəkətlər Birliyin nüfuzuna xələl gətirməklə yanaşı, mövcud qanunvericiliyin pozulması deməkdir.

AFB İdarə Heyəti bir daha xəbərdarlıq edir ki, belə hallar təkrarlansa, məsələ dərhal hüquqi müstəvidə araşdırılacaq və məsul şəxslər barəsində aidiyyəti dövlət orqanlarına müraciət ediləcək.