Mən Murad Şahverdiyevəm — rejissor, ssenarist, fotoqraf və vizual hekayələrin yaradıcısıyam. 2000-ci ilin 10 aprelində Bakıda anadan olmuşam. Təhsilimi memarlıq üzrə almışam — bakalavrımı memarlıq ixtisası üzrə, magistraturamı isə tarixi abidələrin bərpası sahəsində tamamlamışam. Bu təhsil mənə məkan, forma və mədəni irsə bədii baxış qazandırıb və bu baxış yaradıcılığımda hər zaman əsas yer tutur. Peşəkar fəaliyyətim çoxşaxəlidir. Mən həm fotoqraf kimi işləyirəm, həm də video çəkilişi və montajı ilə məşğulam. Reklamlar, kliplər və təqdimatlar üçün ssenarilər yazıram və eyni zamanda onların rejissoru kimi ideyalarımdan ekran əsərləri yaradıram. Ən çox sevdiyim sahə isə maraqlı, qeyri-adi və estetik dəyəri olan reklam çarxları və musiqi klipləri çəkməkdir. Bundan əlavə, mən @weipazerbaijan adlı layihənin yaradıcısıyam. Bu layihə çərçivəsində WEIP (We Are Innovation Person Azerbaijan) adlı interaktiv video-jurnalı təsis etmişəm. WEIP — Azərbaycanın mədəniyyətinə, incəsənətinə, insanlarına və məkanlarına həsr olunmuş video formatlı müasir jurnaldır. Bu, sadəcə jurnal deyil, həm də estetika, texnologiya və milli dəyərləri birləşdirən bir platformadır. Bu layihə ilə göstərmək istəyirəm ki, Azərbaycan innovasiya, yaradıcılıq və dərin mədəniyyət məkanıdır. Mənim yaradıcılıq fəlsəfəm belədir: “We are innovation person” — Biz innovasiya insanlarıyıq. Biz Azərbaycanı yeni, kreativ və çağdaş şəkildə dünyaya təqdim edən nəsilik.