Fidan Nazim qızı (1991,Azərbaycan) 2016-cı ildə Bakı Dövlət Universitetində “Kitabxanaçılıq və informasiya” ixtisasının həm bakalavr, həm də magistratura pilləsi üzrə təhsil almışdır. O, "Light and Composition University – Diploma in the Fundementals of Photography" və "YARAT - Müasir İncəsənət Məktəbi"də təhsil almışdır. İllərlə kitabxanada işlədikdən sonra mühasibatlıq sahəsində çalışsa da, son illərdə bütün diqqətini fotoqrafiyaya yönəltmişdir. O, tez-tez yeraltı kitabxanalarda fotoqrafiya ilə bağlı suallarına cavab tapır. İllər keçsə də, kitabxananın təsiri ilə əl işi foto kitabları hazırlayır. Tapdığı kağızları əsasən yeraltı kitabxanalardan və dostlarının istifadə etmədiyi vərəqlərdən hazırlayır. Onun yaradıcılığın əsas mövzusu sakitlik, köhnəlik və duyğuların hiss edilməsidir. Həmçinin müxtəlif sosial mövzuları əhatə edən layihələr üzərində çalışır. 1843-cü ildən bəri istifadə olunan “Siyanotip” adlı alternativ üsuldan istifadə edərək ev laboratoriyasında çap edir və tonlaşdırır. Hal-hazırda "BNW Light and Shadow" fotoqrafiya birliyində redaktor və fotoqraf kimi fəaliyyət göstərir.

İştirak etdiyi sərgilər: “CipFestival, (Greece,2020), “A Letter” (F37union, Bakı, 2021), Blank Wall Gallery (Greece, 2021), LMA (Berlin,Germany, 2021) “Elevate” (AFPA,USA,2021), Women in Photography (Gazelli Art House, Varyox, Bakı, 2022), Kolga Tbilisi Photo Festival (2022), LMA (Porto, Portugal, 2022), “Bursa Photo Fest” (Turkey, 2022) LensCulture Black and White Photography Awards Gallery (2023), ARTIM, YARAT Müasir İncəsənət Məktəbinin tələbələrinin yekun buraxılış sərgisi (Bakı, 2023 ), “Force of Love” (Nargiz Magazine, Bakı 2023), Week of Art (Georgia, 2023) və s. Fotolarının istifadə edildiyi kitab və jurnallar - “Saudade” (Germany, Berlin,2020), BNW Awards, Light and Shadow (Tokio, Japan, 2021) “The Black and White Hue of the City” (Street Photo Magazine, 2021), “Women Warriours of Azerbaijan” (The Pictorial List, 2023), “Gelatin” Mag (Florida, Usa 2021), Shoot it with film (2023), “Pourtant” (France, Paris, 2022), Femlens Documentary Photography (2023), Baku Magazine (2024) və s.