1982 ildə anadan olmuşdur.1989- cu ildə Xırdalan şəhərində 2 saylı orta məktəbin 1-ci sinifinə getmişdir. Hələ 10 yaşı olanda atası həvəskar fotoqraf kimi foto çəkib çap edərkən atasının ən yaxın köməkçisi olmuşdur. İlk şəxsi fotoapratını da 15 yaşında atasından hədiyyə almışdır. ADPK–ni 2001-ci ildə bitirdikdən sonra ibtidai sinif müəllimi fəaliyyətinə başlasa da foto biliklərini fərdi qaydada inkişaf etdirməyə davam etmişdir. Mədəniyyət və Turizim Nazirliyinin 2012–ci ildə keçirdiyi  “Mənim Azərbaycanım” fotomüsabiqəsinin  2014-cü İldə Heydər Əliyev Fondunun Vitse-prezdenti, RAGB (AMOR) təşkilatının sədri Leyla Əliyevanın təklifi ilə Moskvada keçirilən “Best Summer Photo of  Azerbaijan 2014” "Azərbaycan mənzərəsi" nominasiyası üzrə qalibi və başqa bir neçə beynəlxaq fotomüsabiqələrin finalçısı olmuşdur. Ağsu rayonunun Gəgəli kəndində MİRAS Mədəni İrsin Öyrənilməsinə Kömək İctimai Birliyinin təşkilatçılığı ilə I Beynəlxalq Tərəkəmə Çərşənbəsi Folklor Festivalında çəkilən fotoları Türkiyədə 4-cü "Uluslararası Türk Sanatları,Tarihive Folkloru Kongresi Sanat Etkinlikleri” sərgisində nümayiş olunmuşdur.

İdman fotoqrafiyasina böyük marağı olduğundan Azərbaycanda keçirilən I Avropa Oyunlarında, Milli Gimnastika Arenasında idman gimnastikası üzrə dünya “Challenge” kuboku yarışlarınında, “Formula 1” Avropa Qran Prisi mərhələsində Bakı şəhər trasında fotojurnalist kimi fəaliyyət göstərmişdir.

2016-cı ildən Azərbaycan Fotoqrafları Birliyinin üzvüdür.