1987-ci ildə Bakı şəhərində anadan olub, Azərbaycan Dövlət Mədəniyyət və İncəsənət Universitetinin bitirib. 2013-cü ildə çəkdiyi fotolar Associated Press agentliyində dərc olunub, sonradan karyerasına müstəqil fotoqraf kimi başlayıb. 2019-cu ildə, dünya nəhəngi olan Getty Images agentliyinə qoşulur. 2013-cü ildə Freedom House təşkilatının keçirdiyi müsabiqədə Azərbaycan, Bəhreyn, Belarus, Çin, Rusiya, Cənubi Sudan və Suriya da daxil olmaqla 20-dən çox ölkədən fotoşəkillərdən ibarət sərgidə iştirak edib. 2014-cü ildə YARAT-ın təşkil etdiyi "BEYNƏLXALQ YAY FOTO MƏKTƏBİ"ndə MAGNUM PHOTOS peşəkar təlimçilərinin təlimində iştirak edir. 2017-ci ildə Azərbaycan Dövlət Bədən Tərbiyəsi və İdman Akademiyasında idman fotojurnalistikasını tədris edib. 2019-cu ildə Azərbaycan Dillər Universitetinin müəllimi – Fotojurnalistika fənnini tədris edib. 2020-ci ildə İkinci Qarabağ Müharibəsində çəkdiyi foto Associated Press Agentliyinin hazırladığı "2020-ci ilin Ən Maraqlı Fotoları" hesabatında yer alır. 2021-ci ilin noyabrın 8-də həmkarları ilə birlikdə İkinci Qarabağ Müharibəsindən bəhs edən ilk foto jurnal - JPEG (foto jurnal) nəşr edir, 2022-ci ildə Rusiya–Ukrayna müharibəsini işıqlandırmaq üçün Azərbaycandan Ukraynaya ezam olunan ilk fotojurnalistdən biri olur. 2022-ci il noyabr ayında Italiyanın Venesiya şəhərində və 2023-cü il may ayında Türkiyənin İstanbul şəhərində MAGNUM PHOTOS agentliyinin təlimində iştirak edib. 5-23 may, 2025-ci ildə Amerika Birləşmiş Ştatlarında "Fotojurnalistika: Şəkillərlə hekayələr" mövzusunda təlimlərdə iştirak edir.