-
AZ1065, Bakı şəhəri,
Akademik Şəfayət Mehdiyev küçəsi, 91 -
B.e. - Ş. 9.00 - 20.00,
Bazar günü BAĞLIDIR

2019-cu ildən bəri fotoqrafiya ilə məşğul oluram. Fotoqrafiyaya başlamağımın əsas səbəbi 2018-ci ildə bir tələbə yoldaşımın sıradan bir yürüyüş zamanı çəkdiyim 2-3 fotodan sonra mənə "sənin yaxşı şəkil çəkmək bacarığın var" deməsi və bu sözün mənim ağlımın bir ucunda ilişib qalması oldu. Daha sonra tədricən hobbi olaraq gəzdiyim yerlərdə telefonumla fotolar çəkməyə başladım. İlk başlarda hobbi olaraq məşğul olduğum bu peşəni tədricən daha çox sevməyə başladım. Bu gün fərqli bir sahədə işləməyimə baxmayaraq fotoqrafiya həyatımın ayrılmaz bir hissəsinə çevrilib və bu sahədə peşəkar addımlar atmaqdayam. Əsasən təbiət, mənzərə fotoqrafiyası ilə məşğul oluram. Əslən Şəkidənəm və 5 ildir doğma yurdum Şəkidə yaşayıram. Şəkiyə və təbiətə olan sevgim sayəsində qarşıma bir məqsəd qoyaraq, Şəkidə yaşadığım müddətdə Şəkiyə aid bu günədək heç kimin etmədiyi bir şeyi edərək özümə məxsus xüsusi lokasiyalardan Şəkinin bütün mövsümlərdə fotolarını çəkərək böyük bir foto arxivini yaratmağı hədəfləmişəm.