Sizi “Vətən – m[ə]n” mövzusunda keçiriləcək beynəlxalq bədii foto sərgisinə əsərlərinizi təqdim etməyə dəvət edirik.

Bu sərgi, insanın vətənlə olan mənəvi bağlılığını, şəxsiyyətin coğrafi və mədəni köklərlə münasibətini araşdırmağı hədəfləyir. Vətən — sadəcə bir torpaq parçası deyil, hisslərin, xatirələrin, uşaqlığın, doğmalığın və kimliyin vəhdətidir. “Mən” isə bu vəhdətdə həm müşahidəçi, həm daşıyıcı, həm də yaradıcıdır.

Sərgi, fotoqraflardan “vətən” anlayışını öz daxili mən dünyaları ilə birləşdirərək vizual formada ifadə etmələrini gözləyir. İştirakçılardan şəxsi təcrübələrə, kollektiv yaddaşa və emosional bağlara əsaslanan orijinal yanaşmalar gözlənilir.

İştirak qaydaları:

•             Hər iştirakçı 3 foto təqdim edə bilər.

•             Fotolar yüksək keyfiyyətli JPEG və ya TIFF formatında göndərilməlidir.

•             Seçilmiş hər bir foto üçün müəllif tərəfindən iştirak üçün ödəniləcək məbləğ - 50 AZN.

•             İştirakçıların yaşı minimum 16 +  olmalıdır.

•             +18, dini və ya siyasi məzmunlu fotolar qəbul olunmur.

•             Fotolar etik qaydalara uyğun, yaradıcı və sərgi mövzusunda olmalıdır.

•             Son müraciət tarixi: 15 iyul 2025

Sərgi zamanı təqdim olunan əsərlərin satışı nəzərdə tutulur. Satış şərtləri seçilmiş iştirakçılarla razılaşdırılacaq.
Yaradıcılıq işığını dünya ilə paylaş!

Məkan: Sərgi Palazzo Mandrilli Qalereyasında (Cassine, İtaliya) təşkil olunacaq.

Qeydiyyat formu: https://docs.google.com/.../1FAIpQLSej0R16waFSz0.../viewfor

Əsərlərin göndərilməsi və suallar üçün əlaqə:
Whatsapp: 994515268728
Email: infoafb98@gmail.com
https://palazzomandrilli.it/