Bakı Abadlıq Xidmətinin yeni layihəsi belə adlanır. Layihə çərçivəsində ölkənin məşhur fotoqrafları Azərbaycanın ən gözəl məkanlarından birində - Laçında işgüzar səfərdə olublar. Məqsəd işğaldan azad edilən ərazilərdə aparılan quruculuq abadlıq işlərini fotolarda əks etdirməkdən ibarətdir.

Beş il müddətində Laçının siması necə dəyişib? İnfrastruktur necə qurulub? Şəhərdə hansı müəssisələr fəaliyyətə başlayıb? Hansı yaradıcılıq mərkəzləri açılıb? Laçına qayıdan əhalinin güzəranı necədir? Bu sualların cavabları Vüqar İbadov, Sücəddin Hüseynov, Mirnaibli Həsənov, Arif Ələkbər, Amira Süleyman, Fariz Vəliyev, Elşad Dilivarov kimi fotoqrafların işlərində əks olunacaq. Yaradıcı heyətin bir neçə dəfə Laçına səfər etməsi nəzərdə tutulub. Çəkilən şəkillər çeşidləndikdən sonra ən yaxşı əsərlərdən ibarət nəfis kitab hazırlanacaq. Bu kitab Bakı Abadlıq Xidmətinin böyük zəfərimizin beş illiyinə töhfəsi kimi dəyərləndiriləcək.

https://abadlig.az/blog/lacin-fotolarda