Aylıq foto müsabiqənin yeni mövzusu insanlarda psixoloju durumu əks etdirən: məhəbbət, sevinc, xoşbəxtlik, təəccüb, iztirab, qorxu, qətiyyət, qəzəb. Bunlarla hər gün, günün istənilən vaxtında, istənilən məkanda görmək mümkündür. Fotoqrafiyanın diliylə belə psixoloji duruma yanaşma bədii formada təqdim olunması, model və məkan vəhdətinə diqqət yetirməklə bədii təsirə malik olmalıdır.

Müsabiqəyə fotolar musabiqeafb@gmail.com ünvanına qəbul olunacaq. Müsabiqəyə təqdim olunacaq fotolar JPEG formatda ,uzun tərəfi 1500 px olmalıdır. Hər kəs

Müsabiqənin kordinatoru Arzu Mürvətovadır.

Mukafatlandirma

“Emosiyalar” adlı müsabiqə

Azərbaycan Fotoqraflar Birliyinin Azərbaycan Milli Qeyri-Hökumət Təşkilatları Formunun mənzil qərargahında təşkil etdiyi ənənəvi “Açıq Qapı” günü toplantısı 3 Aprel 2016-cı il tarixində 13:00-da açıq elan edildi. Toplantını AFB idarə heyətinin yaradıcılıq məsələləri üzrə sədr müavini Rauf Umudov açdı. Nəzərinizə çatdıraq ki, bu ay üçün elan olunmuş mövzu “Emosiyalar” adlı müsabiqə idi. Müsabiqənin mövzu müəllifi Rauf Umudov, kordinatoru isə Arzu Mürvətova idi. Müsabiqənin kuratoru kimi çıxış edən Fərqanə Qasımlı sözü Arzu Mürvətovaya verdi. Qeyd edək ki, ümumilikdə müsabiqəyə 17 nəfər həvəskar və peşəkar fotoqraf 58 foto ilə qatılmışdır. Onlardan 4 nəfərin 16 fotosu müsabiqə şərtlərinə zidd olduğu üçün qəbul edilməmişdir. Şərtlərə görə fotolar müsabiqə elan olunduğu Mart ayı ərzində çəkilməli idi. Bu səbəbdən də müsabiqəyə cəmi 13 fotoqrafdan 42 foto qəbul edildi. Fotolar açıq səs vermə yolu ilə seçildi. Belə ki, açıq səs çoxluğu ilə “Emosiyalar” aylıq müsabiqəsinin qalibləri Mələk Mirzoyeva, Günel Məmmədova və Nikolay Şeqlov oldu. Ümumi iştirakçılar tərəfindən müzakirə edilərək seçilən fotoların müəllifləri diplomla təltif olundu. Müsabiqənin kordinatorluğuna görə Arzu Mürvətovaya sertifikat təqdim olundu. Bununla da, Mart ayı üçün nəzərdə tutulmuş “Açıq qapı” günü toplantısına yekun vuruldu.