Mən, Kərimov Elmir Fəqani oğlu 1998-ci ilin avqust ayının 10-da Sumqayıt şəhərində anadan olmuşam. Orta təhsilimi Bakı şəhərində fəaliyyət göstərən Ağdam rayon 32 nömrəli tam orta məktəbdə almışam. Hazırda Bakı şəhərində yaşayıram.

2018-ci ildən idman və sosial sahədə müstəqil fotoqraf kimi fəaliyyət göstərirəm.

Fəaliyyətimin ilk illərində Stadium.az saytında 1 il 6 ay könüllü olaraq çalışmışam. Beş il “Qarabağ” futbol klubunda, 1 il 6 ay isə Azərbaycan Respublikası Müdafiə Sənayesi Nazirliyində və Azərbaycan Velosiped Federasiyasında fotoqraf işləmişəm.

Azərbaycan Respublikasının müdafiə sənayesi naziri, Milli Qəhrəman, general polkovnik Mədət Quliyev tərəfindən “Müdafiə Sənayesi Nazirliyinin 15 illiyi (2005–2020)” Azərbaycan Respublikasının yubiley medalı ilə təltif edildi

Azərbaycan Fotoqraflar Birliyi tərəfindən “İlin İdman Fotoqrafı” nominasiyası üzrə təltif olundum.

“Əziz Şuşa Beynəlxalq Velosiped Turniri”ndəki fəaliyyətimə görə Fəxri Diploma layiq görüldüm.

Bundan başqa UEFA Çempionlar Liqası, Avropa Liqası və Konfrans Liqasında da fotoqraf olaraq iştirak etmişəm.