Bədii Gimnastika üzrə ilk Avropa Kuboku 3 May 2024 tarixində Bakıda başladı.

3-4 May tarixlərində gənclər, böyüklər və qrup hərəkətləri üzrə komandalardan ümumilikdə 160 gimnast 5 May tarixində keçiriləcək final çıxışları üçün yarışdılar. Fərdi gimnastlar ilk dəfə olaraq çoxnövçülük üzrə xallarına əsasən seçilərək çarpaz qarşılaşma ilə mübarizəyə davam etdilər və buna əsasən ən yüksək nəticə göstərən 16 gimnast müxtəlif dəyərdə pul mükafatı qazanmış oldu. Çarpaz qarşılaşmanın nəticələrinə görə üzrə ilk 3 yeri Nikolova Stiliana, Raffaeli Sofia və Atamanov Daria qazanaraq Qızıl, Gümüş, Bürünc medal və pul mükafatları ilə təltif olundu.

Qrup hərəkətləri mübarizəsində çöxnövçülük üzrə İsrail komandası Qızıl, İtaliya Gümüş və Azərbaycan komandası Bürünc medal eləcə də pul mükafatı qazandı.

Komanda şəklində mübarizə aparan gənclər arasında ilk yer və qızıl medala İsrail, Gümüş və Bürünc medallarına isə Bolqariya və Rumıniya komandaları nail oldu.

Mətn/Foto: Nurlan Tahirli